İtaliyada Təhsil

İtaliyada Təhsil: Avropanın Ürəyində Gələcəyini Qur

İtaliya təkcə tarixi, mədəniyyəti və incəsənəti ilə deyil, həm də ali təhsildəki yüksək keyfiyyət və geniş imkanları ilə Avropanın ən çox tələbə cəlb edən ölkələrindən biridir. Son illərdə İtaliyada universitet təhsili almaq azərbaycanlı tələbələr arasında da getdikcə populyarlaşır. Bura gedən tələbələrin əksəriyyəti hətta təqaüdlə oxumaq imkanı da qazanır.

Niyə İtaliya?

İtaliyada 90-dan çox ali təhsil müəssisəsi fəaliyyət göstərir və onların əksəriyyəti dövlət universitetləridir. Burada tibb, mühəndislik, memarlıq, dizayn, iqtisadiyyat, psixologiya, moda, tarix kimi müxtəlif sahələr üzrə bakalavr və magistr proqramları mövcuddur.
Ən önəmlisi isə, bir çox proqramlar həm italyan, həm də ingilis dillərində tədris olunur – bu da beynəlxalq tələbələr üçün böyük üstünlük yaradır.

İtaliya həm də təhsil və həyat xərcləri baxımından ən sərfəli Avropa ölkələrindən biridir.
Dövlət universitetlərində illik təhsil haqqı adətən 900–2300 avro, özəl universitetlərdə isə 5000–30.000 avro arasında dəyişir.

İtaliyada Bakalavr və Magistr Təhsili

• Bakalavr proqramları – 3 il davam edir.
• Magistr proqramları – 2 il davam edir.

İtaliya təhsil sistemi praktik yönümlüdür, yəni tələbələr yalnız nəzəri biliklərlə kifayətlənmir, həm də real layihələr və təcrübə proqramları vasitəsilə bacarıqlarını inkişaf etdirirlər.

Məzun olan tələbələr 1 il ərzində iş tapa bilsələr, İtaliyada qalmaq və işləmək icazəsi ala bilirlər. Bu da təhsili bitirən gənclər üçün Avropada karyera qurmaq imkanı yaradır.

 İtaliyanın TOP 5 Universitetləri

İtaliya universitetləri dünyanın ən qədim və nüfuzlu təhsil ocaqları sırasındadır. Onlardan bəziləri:

• Roma La Sapienza Universiteti
• Bologna Universiteti
• Milan Universiteti
• Padova Universiteti
• Pavia Universiteti

İtaliyadan azı 11 universitet dünyanın ən yaxşı 500 universiteti arasında yer alır (QS World University Rankings).